OmegaT hè distribuitu in duie edizioni :
St’edizione hè ricumandata per un impiegu d’ogni ghjornu.
St’edizione hè ingenerata autumaticamente ogni volta chè un codice novu hè aghjuntu à OmegaT. Hà da esse impiegata solu in un scopu di prova.
I schedarii ponu esse scaricati direttamente da https://omegat.org.
OmegaT OmegaT 6.0.1 richiede una versione Java 11 di l’ambiente d’esecuzione (JRE) per funziunà.
I pacchetti d’OmegaT sò dispunibule in versioni impacchittati cù Java, è d’altre senza Java. I pacchetti senza Java dipendenu d’una versione Java 11 di l’ambiente d’esecuzione (JRE) installata nant’à u sistema sanu.
OmegaT OmegaT 6.0.1 è e versioni più recente accettanu l’ambiente d’esecuzione Java 11 nant’à qualsiasi piattaforma..
Per ragioni di licenza, a squadra OmegaT ricumanda l’ambiente d’esecuzione Java Eclipse Temurin distribuitu da u Prughjettu Adoptium di a fundazione Eclipse, ma tuttu ambiente d’esecuzione cumpatibile cù a versione Java 11 duveria funziunà.
Fate un cliccu doppiu nant’à u pacchettu chì vo avete scaricatu.
Si pò sceglie a lingua impiegata durante l’installazione è quella impiegata da OmegaT. Si pò dinù cambià què dopu mudifichendu OmegaT.l4J.ini.
Certe distribuzioni Linux furniscenu OmegaT in u so ghjestiunariu di pacchettu. L’istruzzioni scritte quì s’appiecanu à a ghjente chì scaricheghja u pacchettu da u situ https://omegat.org è chì l’installeghja manualmente.
Spacchittate o scumprimite u schedariu chì vo avete scaricatu. S’azzione hà da creà un cartulare novu chjamatu secondu à u nome di u pacchettu scaricatu. ’Ssu cartulare cuntenerà tutti i schedarii necessarii per fà funziunà OmegaT.
Bench’ella sia pussibule di lancià OmegaT direttamente da i schedarii dispunibule, si pò dinù lancià u scenariu linux-install.sh trovu quallà per fà l’installazione d’OmegaT in d’altri lochi più apposti.
L’esecuzione di u scenariu richiederà di stampittà a vostra parolla d’intesa sudo.
U scenariu verificheghja s’ellu ci hè un installazione esistente di a listessa versione d’OmegaT in /opt/omegat/. S’ellu ùn ci n’hè, u prugramma hè installatu in /opt/omegat/OmegaT_OmegaT 6.0.1 è u scenariu definiscelu cum’è a versione predefinita (in /opt/omegat/OmegaT-default).
Dopu chè a scumpressione o l’installazione serà compia, si pò squassà u schedariu scaricatu perchè ùn serà mai più richiestu.
Fate un cliccu doppiu nant’à u pacchettu chì vo avete scaricatu. S’azzione hà da creà un cartulare chjamatu OmegaT. U cartulare cuntenerà tutti i schedarii : index.html (l’indice di u manuale di l’utilizatore) è OmegaT.app (l’appiecazione). Cupiate u cartulare in u locu appostu (p.i. Appiecazioni).
À a fine, sguillà è depone OmegaT.app nant’à u Dock per un accessu più faciule.
Quandu què hè compiu, si pò squassà u schedariu scaricatu perchè ùn serà mai più richiestu.
St’infurmazione s’appieca à tutti i sistemi chì anu una versione Java cumpatibile cù a versione 11 di l’ambiente d’esecuzione. Què include e piattaforme discritte quì sopra, ma dinù quelle chì ùn anu micca di pacchettu specificu di pruvistu.
Scaricà a versione Multi-piattaforma senza JRE .
A fundazione Eclipse distribuisce l’ambienti d’esecuzione JRE OpenJDK per parechji sistemi à l’indirizzu https://adoptium.net/temurin.
IBM distribuisce l’ambienti d’esecuzione JRE per Linux PowerPC à l’indirizzu https://developer.ibm.com/languages/java/semeru-runtimes/downloads/.
Seguitate l’istruzzioni d’installazione di u pacchettu desideratu.
Spacchittate u schedariu chì vo avete scaricatu. S’azzione hà da creà un cartulare cù tutti i schedarii necessarii per fà funziunà OmegaT.
Seguitate l’istruzzioni di u vostru sistema per installà l’accurtatoghji d’OmegaT in i lochi apposti di a vostra scelta.
I cambiamenti trà a vostra versione è a versione attuale sò ducumentati in u schedariu changes.txt di u situ di sviluppu.
S’è vo vulete installà una versione nova, tinite à mente ciò chì seguita :
E preferenze d’OmegaT sò piazzate in u cartulare di cunfigurazione è ùn seranu micca mudificate da a versione nova.
I prughjetti creati in u passatu o impiegati attualmente ùn seranu micca mudificati o squassati. I prughjetti OmegaT ùn sò micca piazzati dentru OmegaT. Sò oggetti indipendenti chì ùn anu micca cunnessione fisica cù l’appiecazione OmegaT.
I schedarii di parametri chì si trovanu in u pacchettu OmegaT scaricatu (soprattuttu OmegaT.l4J.ini per Windows eppò i schedarii Configuration.properties è Info.plist per i pacchetti macOS) puderianu esse rimpiazzati o squassati, dunque, s’è vo avete impiegatu sti schedarii per mudificà i parametri di lanciu d’OmegaT, hè ricumandatu di fà una salvaguardia nanzu di rinnovà.
I cartulari plugins è scripts puderianu esse rimpiazzati, dunque, hè ricumandatu di fà una salvaguardia nanzu di rinnovà.
Per fà què, selezziunate semplicemente u cartulare d’installazione attuale cum’è cartulare d’installazione di a versione nova. A versione « anziana » d’OmegaT serà rimpiazzata, ma e preferenze fatte da l’interfaccia OmegaT seranu cunservate in i cartulari di cunfigurazione (lighjite insù).
Què vi permette di cunservà parechje versioni, l’una accantu à l’altra, ciò chì puderia esse desiratu u tempu d’ammaestrà a versione nova.
Tutti i parametri piazzati in u cartulare di cunfigurazione seranu scumparti fora s’è vo indicate un altru cartulare di cunfigurazione cù l’ozzione --config-dir=<chjassu> in l’ozzioni OmegaT pruviste nant’à a linea di cumanda. Tutti i parametri piazzati in u cartulare di prughjettu s’appiecheranu à stu prughjettu senza tene contu di a versione d’OmegaT chì l’apri.